BREAKING NEWSSSSS, MKURUGENZI WA MAMLAKA YA VIWANJA VYA NDEGE (TAA), SULEIMAN SAIDI SULEIMAN AFARIKI DUNIA

Taarifa zilizotufikia hivi punde zimeeleza kuwa, Mkurugenzi Mkuu wa Mamlaka ya Viwanja vya Ndege Tanzania (TAA), Suleiman Saidi Suleiman, amefariki.

Habari za uhakika kutoka kwa ndugu na watu wa karibu wa marehemu zimeeleza kuwa, Suleiman alipatwa na mauti wakati alipokuwa akiogelea.

Meneja Mawasiliano na Sheria wa TAA, Ramadhani Maleta amethibitisha kutokea kwa kifo hicho.

Kwa mujibu wa Maleta, taratibu za mazishi zinaendelea nyumbani kwa marehemu Upanga, karibu na makao makuu ya Jeshi, Ngome.

Mbali na kuwa mfanyakazi wa taasisi hiyo kwa miaka mingi, marehemu Suleiman pia aliwahi kuwa Kaimu Katibu Mkuu wa Simba miaka ya mwanzoni mwa 1990, akiwa chini ya aliyekuwa mwenyekiti, marehemu Saleh Ghulum.

Kutokana na msimamo wake katika masuala ya uongozi, mashabiki na wanachama wa Simba walimpachika marehemu Suleiman jina la Yelstin, la kiongozi wa zamani wa Russia.

Mungu ailaze roho yake mahali pema.