JPM: TUIJENGE NCHI KWA PAMOJA

Rais wa Jamhuri ya Muungano wa Tanzania Dkt. John Pombe Joseph Magufuli akisalimiana na Mchungaji Charles Mzinga alipowasili kwa Ibada ya Pasaka katika Kanisa la KKKT la Azania Front jijini Dar es salaam leo Machi 27, 2016

Rais wa Jamhuri ya Muungano wa Tanzania Dkt. John Pombe Joseph Magufuli  akiwapungia waumini baada ya  Ibada ya Pasaka katika Kanisa la KKKT la Azania Front jijini Dar es salaam leo Machi 27, 2016

Rais wa Jamhuri ya Muungano wa Tanzania Dkt. John Pombe Joseph Magufuli  na Mkewe Mama Janeth Magufuli wakiagana na  Askofu Mkuu wa Dayosisi ya Mashariki na Pwani Kanisa la Kiinjili la Kilutheri Tanzania Dkt. Alex Malasusa na Mchungaji Charles Mzinga wakati wa Ibada ya Pasaka katika Kanisa la KKKT la Azania Front jijini Dar es salaam leo Machi 27, 2016

Rais wa Jamhuri ya Muungano wa Tanzania Dkt. John Pombe Joseph Magufuli akisalimiama na Mama Rebecca Malasusa, mke wa  Askofu Mkuu wa Dayosisi ya Mashariki na Pwani Kanisa la Kiinjili la Kilutheri Tanzania Dkt. Alex Malasusa baada ya Ibada ya Pasaka katika Kanisa la KKKT la Azania Front jijini Dar es salaam leo Machi 27, 2016

Rais wa Jamhuri ya Muungano wa Tanzania Dkt. John Pombe Joseph Magufuli na Mkewe Mama Magufuli wakishiriki na waumini wengine Ibada ya Pasaka katika Kanisa la KKKT la Azania Front jijini Dar es salaam leo Machi 27, 2016

Rais wa Jamhuri ya Muungano wa Tanzania Dkt. John Pombe Joseph Magufuli  na Mkewe Mama Janeth Magufuli pamoja na Mama Rebecca Malasusa na Askofu Mkuu wa Dayosisi ya Mashariki na Pwani Kanisa la Kiinjili la Kilutheri Tanzania Dkt. Alex Malasusa baada ya Ibada ya Pasaka katika Kanisa la KKKT la Azania Front jijini Dar es salaam leo Machi 27, 2016

RAIS Dk. John Magufuli, amewasihi Watanzania kuendelea kuwa wamoja na kushirikiana kuijenga nchi yao, badala ya kubaguana.

Rais Magufuli alitoa wito huo jana, katika Kanisa la Kiinjili la Kilutheri Tanzania (KKKT) Usharika wa Azania Front, Dar es Salaam, ambako alisali ibada ya Pasaka na waumini wa kanisa hilo.

Alisema Mwenyezi Mungu alimtoa mwanawe wa pekee Yesu Kristo kuja kuikomboa dunia bila kuwabagua binadamu, hivyo na binadamu wanapaswa kutobaguana, iwe kwa dini zao, makabila yao, mitazamo ya kisiasa na hata rangi zao.

Rais Magufuli aliwakumbusha Watanzania kufanya kazi

kama ambavyo vitabu vitakatifu vinasisitiza umuhimu wa kufanya kazi na amebainisha kuwa, Tanzania yenye neema inawezekana endapo kila mtu atazingatia kufanya kazi.

“Tukifanya kazi hatuhitaji hata misaada kutoka nje, nchi

hii ina neema nyingi. Kwa kweli tukifanya kazi kwa bidii

nchi yetu inapaswa kuwa inatoa misaada kwa nchi

nyingine na sio kuomba misaada kutoka nchi nyingine,”

alisisitiza Rais Magufuli.

Rais Dk. Magufuli alisali kwenye kanisa hilo kwa mara ya

kwanza tangu achaguliwe kuwa Rais wa Jamhuri ya Muungano wa Tanzania, lakini ikiwa ni mara yake ya nne kusali katika kanisa hilo hata kabla ya kuwa rais.

Aliwaomba Watanzania kuendelea kuliombea taifa na kumwombea yeye ili afanikiwe kutekeleza jukumu kubwa na zito la kuiongoza nchi.

Pamoja na kuongoza maombi ya kumwombea Rais Magufuli na mkewe, Mama Janeth Magufuli, waliohudhuria ibada hiyo, Askofu Mkuu wa KKKT Dayosisi ya Mashariki na Pwani, Dk. Alex Malasusa, alimpongeza Rais Magufuli kwa tabia yake ya kupenda kuhudhuria ibada na kuwasihi viongozi wengine kufanya hivyo.

Askofu Malasusa aliuelezea ufufuo wa Yesu Kristo kuwa jambo la kuleta matumaini, hivyo amepongeza mwelekeo wa nchi kwa sasa na kwamba kanisa linaona matumaini kwa taifa.