TETEMEKO LA ARDHI LAUA WATU 11 KAGERA

Mkuu wa wilaya ya Bukoba Mh. Deodatus Kinawiro amethibitisha kufariki kwa watu 11 na wengine 196 kujeruhiwa  katika manispaa ya Bukoba mkoani Kagera kufuatia lenye  tetememko la ardhi ukubwa wa vipimo vya 5.7 lililotokea  moani humo na kusababisha madhara makubwa.
 

Akizungumza na mtandao huu kwa njia ya simu amesema tetemeko lililotokea mchana leo lilikuwa ni kubwa na limeathiri majengo mengi na kusababisha majeruhi na vifo,  hata hivyo bado Kamati ya Ulinzi na Usalama ikishirikiana na vikosi vya uokoaji pamoja na majeshi la ulinzi na usalama vinaendelea kufanya tathmini ya uharibifu wa majengo na mali uliosababishwa na  Tetemeko hilo.

DC Kinawiro ameongeza kwamba taarifa zaidi zitaendeleo kutolewa kadri zitakavyopatikana  kutokana na kuendelea kwa kazi ya  tathmini ya athari ya tetemeko hilo.