NA
MWANDISHI WETU, CHALINZE
MGOMBEA Mwenza wa Urais kupitia Chama cha Mapinduzi (CCM), amewataka wakazi wa Chalinze kumpigia kura za kishindo Mbunge wa Chalinze, Ridhiwani Kikwete.
Akizungumza katika mkutano wa kampeni uliofanyika juzi katika Kijiji cha Lugoba, Chalinze, Samia alisema kuwa Ridhiwani ni kiongozi wa kupigiwa mfano baada ya kuwapa maendeleo makubwa wakazi wa Jimbo la Chalinze.
Samia alisema Ridhiwani, amefanya kazi nzuri kwa wakazi wa Chalinze licha ya kuwa na muda mfupi wa mwaka mmoja tangu alipochaguliwa kuwa mbunge wa jimbo hilo.
Alisema Ridhiwani amekuwa hodari wa kujenga hoja bungeni na kazi yake imeonekana, baada ya kuimarisha huduma za jamii katika Jimbo la Chalinze.
"Wakazi wa Chalinze msifanya makosa, mna bahati kubwa kupata Mbunge hodari mwenye uwezo mkubwa wa kujenga hoja na matunda yake mmeyaona. Serikali na mimi binafsi tutamsaidia Ridhiwani," alisema Samia.
Alisema Jimbo la Chalinze limepata maendeleo kwa kujengwa vituo vya afya na zahanati pamoja ambazo zimekuwa na vifaa tiba na watumishi ambao wamekuwa wakitoa huduma bora kwa wakazi wa jimbo hilo.
Samia alisema hatua ya Ridhiwani, kuwanunua gari jipya la wagonjwa wakazi wa Chalinze limedhihirisha ni kiongozi mwenye uchungu na wananchi wake.
Pia alisifu juhudi za Mbunge huyo kutilia mkazo ujenzi wa shule za msingi, sekondari na mabweni ya wanafunzi wasichana hatua ambayo imeongeza chachu ya mwamko wa elimu.
Samia alisema wakazi wa Chalinze wanapata maji safi na salama kwa asilimia 82 jambo ambalo linapaswa kuungwa mkono na wakazi wa jimbo hilo kumchagua katika uchaguzi mkuu ujao uliopangwa kufanyika Oktoba 25, mwaka huu.
Mgombea huyo alisema serikali itaongeza nguvu katika ujenzi wa Hospitali mpya inayoanzwa kujengwa katika Jimbo la Chalinze lililoko Mkoa wa Pwani.
MGOMBEA Mwenza wa Urais kupitia Chama cha Mapinduzi (CCM), amewataka wakazi wa Chalinze kumpigia kura za kishindo Mbunge wa Chalinze, Ridhiwani Kikwete.
Akizungumza katika mkutano wa kampeni uliofanyika juzi katika Kijiji cha Lugoba, Chalinze, Samia alisema kuwa Ridhiwani ni kiongozi wa kupigiwa mfano baada ya kuwapa maendeleo makubwa wakazi wa Jimbo la Chalinze.
Samia alisema Ridhiwani, amefanya kazi nzuri kwa wakazi wa Chalinze licha ya kuwa na muda mfupi wa mwaka mmoja tangu alipochaguliwa kuwa mbunge wa jimbo hilo.
Alisema Ridhiwani amekuwa hodari wa kujenga hoja bungeni na kazi yake imeonekana, baada ya kuimarisha huduma za jamii katika Jimbo la Chalinze.
"Wakazi wa Chalinze msifanya makosa, mna bahati kubwa kupata Mbunge hodari mwenye uwezo mkubwa wa kujenga hoja na matunda yake mmeyaona. Serikali na mimi binafsi tutamsaidia Ridhiwani," alisema Samia.
Alisema Jimbo la Chalinze limepata maendeleo kwa kujengwa vituo vya afya na zahanati pamoja ambazo zimekuwa na vifaa tiba na watumishi ambao wamekuwa wakitoa huduma bora kwa wakazi wa jimbo hilo.
Samia alisema hatua ya Ridhiwani, kuwanunua gari jipya la wagonjwa wakazi wa Chalinze limedhihirisha ni kiongozi mwenye uchungu na wananchi wake.
Pia alisifu juhudi za Mbunge huyo kutilia mkazo ujenzi wa shule za msingi, sekondari na mabweni ya wanafunzi wasichana hatua ambayo imeongeza chachu ya mwamko wa elimu.
Samia alisema wakazi wa Chalinze wanapata maji safi na salama kwa asilimia 82 jambo ambalo linapaswa kuungwa mkono na wakazi wa jimbo hilo kumchagua katika uchaguzi mkuu ujao uliopangwa kufanyika Oktoba 25, mwaka huu.
Mgombea huyo alisema serikali itaongeza nguvu katika ujenzi wa Hospitali mpya inayoanzwa kujengwa katika Jimbo la Chalinze lililoko Mkoa wa Pwani.
000000000000
No comments:
Post a Comment