SAMIA KUENDELEA NA KAMPENI KESHO TANGA

Na Bashir Nkoromo

Mgombea Mwenza wa Urais kwa tiketi ya CCM, Mama Samia Suluhu Hassan, anatarajiwa kuendelea na kampeni kesho, Septemba 21, 2015, mkoani Tanga.

Taarifa zinasema kuwa, akiwa mkoani Tanga, Mama Samia ataanza ziara yake ya kufanya mikutano ya kampeni katika wilaya ya Mkinga, Pangani na Tanga Mjini.

Kulingana na taarifa hiyo, Septemba 22, 2015, Mama Samia ataunguruma Muheza, Mlalo, Korogwe Mjini, Handeni na Kilindi.

Baada ya mkoa wa Tanga, Mama Samia atakwenda mkoani Manyara Wilaya ya Kiteto na baadaye mkoa wa Dodoma katika majimbo ya Nchemba na Kondoa.

Taarifa zinasema baadaye Mama Samia atakwenda mkoa wa Morogoro, Septemba 25, 2015 katika  wilaya ya Gairo.

Baadhi ya mikoa ambayo Mama Samia amekwishafanya kampeni ni Dar es Saaam, Pwani, Lindi, Mtwara, Dodoma, Singida, Kilimanjaro, Arusha na Manyara.