WAFUASI WA CHADEMA WAHUJUMU MABANGO, PICHA ZA WAGOMBEA WA CCM

NA THEODOS MGOMBA, DODOMA
MABANGO  na bendera zaidi ya 250 ya wagombea wa Chama cha Mapinduzi (CCM) Mkoani Dodoma zimeshushwa na watu wanaodaiwa kuwa ni wafuasi wa CHADEMA.
Akiongea kwa niaba ya Katibu wa wa CCM MKoa , msaidizi wa katibu huyo masuala ya siasa Dunga Othman alisema mabango hayo yamechanwa katika sehemu mbalimbali.
Alisema pamoja na bendera hizo pia mabango ya mgombea urais John Pombe magufuli na mbunge wa jimbo la Dodoma Antony Mavunde ambayo ni makubwa pia yalichanwa.
‘’Kuchanwa kwa mabango hayo yanaonyesha wazi kuwa yanafanywa na wanacahama wa Chadema kwani pembeni tu ya mabango yetu zipo bendera zao lakini hazikuchanwa  ni picha tosha kuwa hawa ni Chadema’’.alisema
Katibu huyo alisema bendera hizo -250 zilishushwa usiku wa manane wa siku ambayo mgombea urais kupitia UKAWA alikuwa na mkutano mjini hapa.
Dunga alisema bendera hizo zilikuwa zimesimikwa  barabara ya kuanzia eneo la Area D hadi katika mzunguko wa Wimpy.
Alisema mabango ambayo ni ya nafasi ya ubunge na urais yaliyochanwa ni pamoja na yaliyowekwea katika eneo la stendi kubwa ya mabasi na mzunguko wa area D.
‘’ Hivi ni vitendo ambavyo vinaashiria uvunjifu wa amani kwani kama wameshindwa katika hoja wasubiri uchaguzi mkuu ujao si kuchana mabando ya wagombe’’ alisema.
Hata hivyo katibu huyo aliliomba jeshi la polisi kuhakikisha kuwa wanachukua hatua za dhati kwa wahusika wote ambao wanafanya vitendo hivyo.
‘’Tunaliomba jeshi la Polisi kufanya kazi zake kwa ukamilifu ili kuwapata watu hawa na kuwachukulia hatua za dhati, na kama itashindikana basi nasi tutaamua kulinda mabango ywetu sisi wenyewe’’ alisema.
Hata hivyo juhudi za kumpata Kamanda wa Jeshi hilo Mkoa wa Dodoma David Misime hazikuweza kuzaa matunda baada ya simu yake kuwa inahita bila majibu.