MGOMBEA UBUNGE ACT ATEKWA

Na Chibura Makorongo, Simiyu

POLISI mkoani Simiyu imethibitisha kutekwa kwa mgombea ubunge jimbo la Bariadi kwa tiketi ya ACT Wazalendo, Masunga Ng’hozo.

Akizungumza na waandishi wa habari ofisini kwake, Kamanda wa Polisi Mkoa wa Simiyu, Gemini Mushy, alisema tangu kutoweka kwa mgombea huyo, simu yake imekuwa ikitumika kutuma ujumbe mfupi wa maandishi kwa wazazi wake.

Alisema ujumbe huo umekuwa ukiwataka wazazi wake kutoa kiasi cha fedha sh. milioni 2.5 ndipo mgombea huyo  aachiwe huru, vinginevyo wajiandae kupokea maiti.

Ng’hozo, ambaye ni mwanafunzi wa mwaka wa tatu katika Chuo Kikuu cha Mtakatifu Augustino (SAUT), tawi la Mbeya, alitoweka Septemba 27, mwaka huu, akitokea katika ofisi ya chama hicho mkoani hapa.

Alisema polisi walipata taarifa za kutekwa kwa mgombea huyo Septemba 29, mwaka huu, ambapo alieleza mpaka sasa hajulikani alipo.

 “Tumepata taarifa za kutoweka kwa mgombea huyo na makachero wako kazini wakiendelea na uchunguzi na tutatoa taarifa kuhusiana