BALOZI RWEGASIRA AFARIKI

ALIYEWAHI kuwa Waziri wa Mambo ya Nje na Ushirikiano wa Kimataifa, Balozi Joseph Rwegasira, amefariki dunia.

Balozi Rwegasira alifariki dunia  jana, katika Hospitali ya Taifa Muhimbili (MNH), Dar es Salaam.

Taarifa iliyotolewa jana na Wizara ya Mambo ya Nje, Ushirikiano wa Afrika Mashariki, Kikanda na Kimataifa, ilisema msiba wa Balozi Rwegasira upo nyumbani kwake Msasani.

Ilisema mwili wa Balozi Rwegasira unatarajiwa kuagwa kesho katika Kanisa Katoliki la Mtakatifu Peter Mbuyuni, saa nane mchana.

Aidha, taarifa hiyo ilisema mwili huo utasafirishwa keshokutwa kwenda Bukoba mkoani Kagera kwa ajili ya mazishi.

Balozi Rwegasira alishika wadhifa hupo kuanzia  mwaka 1993 hadi 1995.